Remove this ad

Ranjish hi sahi dil hi dukhane ke liye aa

Rss     Subscribe     Share     Tweet    


0 Points

Lead

Dec 3 06 2:10 AM

Tags : :

Hello!!

Mehdi hassan sings,

can be listened on : Dishant.com & muziq.net

ranjish hii sahii dil hii dukhaane ke liye aa
aa phir se mujhe chho.D ke jaane ke liye aa

pahale se maraasim na sahii phir bhii kabhii to
rasm-o-rahe duniyaa hii niibhaane ke liye aa

kis kis ko bataaye.nge judaa_ii kaa sabab ham
tuu mujh se Khafaa hai to zamaane ke liye aa

kuchh to mere pindaar-e-muhabbat ka bharam rakh
tuu bhii to kabhii mujh ko manaane ke liye aa

ek umr se huu.N lazzat-e-giriyaa se bhii maharuum
ai raahat-e-jaa.N mujh ko rulaane ke liye aa

ab tak dil-e-Khush_faham ko tujh se hai.n ummiide.n
ye aaKhirii shamme.n bhii bujhaane ke liye aa


(The following ashaar are by Talib Baghpati but Mehdi Hassan
always sings them as part of this Gazal.)

maanaa ki muhabbat kaa chhipaanaa hai muhabbat
chupake se kisii roz jataane ke liye aa

jaise tujhe aate hai.n na aane ke bahaane
aise hii kisii roz na jaane ke liye aa


Written by : Janaab Ahmed Faraaz

Aabroo raakh hui jaati hain angaaro ki
Surkhroo hoke bhee hasti hain gunahgaaro ki

Quote    Reply   
Remove this ad
Remove this ad

#3 [url]

Nov 30 07 5:43 AM


beautiful lyrics...

thanks for sharing them...


regards
aarya

regards
aarya


khwaabo.n ke par kabhii kaTne na denaa
inke sahaaron me raahai.n rahe.ngii

lage.nge ye lejaa rahe alag raste
un raston pe bhii kai seekhai.n to ho.ngii

ye seekhai.n hameshaa sameTe rakhnaa
inhii.n se to sabko manzil milai.ngii


Quote    Reply   
Remove this ad

#4 [url]

Nov 30 07 7:10 AM

aadaab Haashim saaHib,

aapne jo Ghazal chaspaaN kii hai vo jitnii Khoobsoorat hai utnii hii Khbbosootii se Mehndi Hasan saaHib marHoom ne apnii dil_kash o jaazib aawaza meN Ghazal-saraaii kii hai. merii pasandeedah Ghazal hai aur aapke intiKhaab kii daad detaa huN. shukria.

maiN deegar aHbaab ke liye mushkil alfaaz ke ma'aanii darj kar rahaa huuN jinko samajhne men koii diqqat pesh aaye. is tarz-e-'amal se aHbaab kii vocabulary emN bhii Khaatir Khowaah izaafe kaa sabab banegaa.

Ghazal emN kuchh tabaa'at kii aGhlaat sarzad huii ahiN jinkii tasHeeH maiN kar rahaa huN. thank you.

_______Mitwaa




ranjish hii sahii dil hii dukhaane ke liye aa
aa phir se mujhe chho.D ke jaane ke liye aa

ranjish = dushmani / enomosity

pahale se maraasim na sahii phir bhii kabhii to
rasm-o-rahe duniyaa hii niibhaane ke liye aa

pahle misr'e ke iKhtitaam par lafz "to" izaafii hai..misr'a yuN hai:

pahle se maraasin na sahii, phir bhii kabhi

maraasim = plural of rasm = rivaaj / mel jol / acquaintance
rasm-o-rah-e-dunyaa = dunyaa ke rasm o rivaaj / social considerations


kis kis ko bataaye.nge judaa_ii kaa sabab ham
tuu mujh se Khafaa hai to zamaane ke liye aa

sabab = vajah / kaaran / reason
Khafaa = naaraaz / upset


kuchh to mere pindaar-e-muhabbat ka bharam rakh
tuu bhii to kabhii mujh ko manaane ke liye aa

pindaar-e-moHabbat = moHabbat kii anaa / prem kaa ghamanD / pride in love

ek umr se huu.N lazzat-e-giriyaa se bhii maharuum
ai raahat-e-jaa.N mujh ko rulaane ke liye aa

lazzat-e-giryaa = aah o zaarii kaa lutf / rone dhone kaa mazaa / pleasure in lamenting
raahat-e-jaaN = jaan ko aaraam denewaalii [maHbooba] / comfort provider [Lover]


ab tak dil-e-Khush_faham ko tujh se hai.n ummiide.n
ye aaKhirii shamme.n bhii bujhaane ke liye aa

dil-e-Khush-fehm = Khush rahnewaalaa dil / a happy heart
shamm'eN = mom-batti / diyaa / charaaGh / candle / lamp


maanaa ki muhabbat kaa chhipaanaa hai muhabbat
chupake se kisii roz jataane ke liye aa

jaise tujhe aate hai.n na aane ke bahaane
aise hii kisii roz na jaane ke liye aa

Quote    Reply   

#5 [url]

Nov 30 07 10:31 AM

thanks Hashmat bhai,


waise is Ghazal ka matlab humne samjh liya tha pehle hi...lekin aapne bhi aasan bana diya isse samjhna...


many thanks.


regards
aarya

regards
aarya


khwaabo.n ke par kabhii kaTne na denaa
inke sahaaron me raahai.n rahe.ngii

lage.nge ye lejaa rahe alag raste
un raston pe bhii kai seekhai.n to ho.ngii

ye seekhai.n hameshaa sameTe rakhnaa
inhii.n se to sabko manzil milai.ngii


Quote    Reply   
Add Reply

Quick Reply

bbcode help