Remove this ad

"Mera Naam Karega Roshan"

Rss     Subscribe     Share     Tweet    


0 Points

Lead

Jun 10 07 10:29 PM

Tags : :

"Mera....Naam....Karega....Roshan..."

***rajiv taneja***



"Tujhe kya sunayun aye 'Dilruba'

Tere Samne mera haal hai"


Meri 'Halat' toh chuppi nahin hai tujhse ...


'Socch-Socch' ke .....

'Pareshaan' ho uttha hunn ki ....

"Usse kya naam dunn?...


"Kya keh ke 'Pukaarun' usse?


"Dil main kabhi 'Yey '.....

'Khayal' Umaddta hai toh ....

kabhi 'Wo' .. ki .....

Mainn usse kya naam dunn?"


"Usse 'Dost' kahun ya ke 'Dushman' ?"

"Usse 'Accha' kahun ya phirr 'Bura' ?"


"Ya phirr usse .....

'Dev' kahun ke 'Danav' kahun?"


"Kabhi wo 'Accha' lagta hai toh kabhi 'Bura'"......

"Kabhi 'Pagal' lagta hai toh kabhi 'Sayana''

"Kabhi wo 'Apna' lagta ha toh kabhi 'Paraya'"

"Kabhi wo 'Mehanati' lagta ha toh ....

kabhi aikdumm 'Aalsi'"

"Kabhi wo 'Jawan' lagta hai toh ....

kabhi aikdum 'Budha"

"Kabhi wo 'Sahi' lagta hai toh .....

kabhi Galat"

"Kabhi 'Nayak' lagta hai toh kabhi ......

'Khall-Nayak''



"Kabhi yey bhi socchta hunn ki .....

Usne aakhir aissa kiya kyun?"


"Kabhi-Kabhi dil main 'Khayal ' aata hai ki .....

'Accha' hi kiya ho shayad usne ."

"Mera 'Bhalla' hi Soccha ho shayad?"



"Abb yey toh pata nahin ki uske .....

'Dil' main aakhir thha kya?"


"Kabhi-Kabhi yey bi socchta hunn ki ......

"Iss sabb se usse milega aakhir kya?"



"Shayad kissi doosre ko itna ....

'Bebass' ....

'Majboor '....

'Tanha' ...

'Akela'

'Lachaar'....

dekh uska Chehra 'Khill' uthta hoga " ...


"Khushi ke maare .....

'Baawla ' ....

ho uthhta hoga Shayad wo"...



"Ya yey bhi ho sakta hai .....

ki 'Insani Fitratt' hai .....


'Khali nahin baitha gaya hoga uss se ."

"Toh socha hoga ki ....

Challo aaj issi pe ...

'Haath' aazma liya jaye."


"Aakhir pata toh challe khudd ko ki ...

'Kitne Paani Main' hunn mainn?"


"Saath hi saath poori 'Dunia ' ko bhi ....

pata chall jayega ki....

'Hum main hai Dum'"


"Khudd ko 'baar baar' ....

'Tassalli' deta rehta hunn mainn .... ki

'Ooperwale ke Gharr' ....

'Derr' hai parr 'Andherr' nahin"...


"Aur 'Bhalla' karr bhi ka sakta hunn mainn?"


"Kabhi toh 'Pukaar' sunni jaayegi .....

meri bhi ......

uss 'Parrwarr-Digaar'...

ke 'Darbaar' main"..


"Kabhi-Kabhi' gussa bhi .....

bahut aata hai aur .....

'Dil' yey keh uthhta ha ki ....

'Koi na Koi' ....

'Kabhi na Kabhi '.....

'Sawa Serr' .....

uss se bhi takrayega aur ....

tabhi faisla hoga ki .....

'Kiss main kitna hai dum?"


"Kabhi toh .....

'Oonth Pahad Ke Neeche'....

zaroor aayega"


"Kayi baar toh .....

'Gusse' se bharr uthta hunn mainn.....

aur ji chahta hai ki kahin se ....

Bass 'Ghaddi' bharr ke liye hi sahi ....

'Kaise bhi' ....

'Kissi bhi tarah se' .....

mil jaye '36' ya phirr .....

'47' "....


"Karr dunn 'Abhi ke Abhi' .....

'Shanty Flat' " ....

"Ho jayega ....

'Full and Final ".


"Koi kasarr baaki nahin rahegi."


"Badda 'Teesmaar Khan' .....

samajhta hai na khudd ko " ....


"Saari 'Hekdi' baharr nikkal jayegi"


"Arrey agar 'Vaar' karna hi thha toh ...

'Saamne' aa karr karta "


"Yey kya ki ? ...

'Peeth' peeche ....

'Vaar' karta hai?"


"'Buzdil' kahin ka"


"Lekin phirr socch ke reh jata hunn ki ......

Shayad wo apne ....

'Dimag' ka ....

'Imtihaan' le raha ho ki ...

'Kucch hai bhi ussmain .....

Ya phirr .....

khali 'Dibba' khali 'Dholl'?"


"Lekin phir 'Dil' ....

'Tadap' uthta hai ki ...

Iss 'Bharri-Poori ' dunia main usse ....

Kya main hi milla tha 'Nithalla ?"


"Jo mujjh parr hi .....

'Haath Saaf Karr' Gaya"


"Aik baat ki toh ......

'Daad' deni padegi ki ...

'Bannda' hai badda hi 'Chalak"

"Shatir 'Dimag' hai uska "

"Aisse 'Khulli Aankhon Se ' ....

'Kajal' Chura le gaya ki....

Pata bhi na challa ki ...

Kab.....

"Mera 'Sabb Kucch' abb Mera Na Raha "


"Badde 'Armaan' sanjoye thhe maine."

"Kya kya 'Sapne' nahin dekhe thhe?"

"Ki uske pehle 'Janamdin' parr .....

aik badda sa 'Shaandaar' ......

'Cake' mangwaunga mainn " ...

"Khoob 'Party-Sharty' karunga" ...


"Isko bulaunga aur ....

usko bhi bulaunga"


"Badde hi 'Jatan' se Paala thha maine usse "

"Abhi toh usne ....

apne 'Pairron' pe chalna bhi .....

nahin seekha thha ."


"Abhi 'Chota' thha na wo "


"Mainn toh yey 'Socch-Socch' ke ....

'Khush'huye ja raha thha ki aik din ..


"Mera Naam Karega Roshan....

Jag main mera Rajdulara"


"Mujhe kya pata thha ki ....

meri saari ....

'Mehnatt' ....

mere saare .....

'Overtime' pe ....

koi ...yunn hi ....

'Pani ' pherr jayega ...

'Minute do Minute' main"


"Pata nahin maine kaise ....

'Raat-Raat' bharr ...

'Jaag-Jaag ' karr ....

usse 'Paal-Poss' ke .....

badda kiya thha ."


"Yahan takk ki ....

maine kissi ki bhi ...

'Parwah' nahin ki.....


"Biwi' ki bhi nahin."


"Kahan kahan nahin gaya mainn?"

"Kiss-Kiss' ke aage .....

'Matha' nahin tekka ?"

"Kiss-Kiss jagah 'Sarr' nahin Jhukkaya?"

'Mandir'....

'Masjid'.....

'Church'....

'Gurudwaare' sabhi takk ho aaya thha mainn"


"Oh"....

"Oh....

'Oh my God........"

"Dekha " ......

"Dekha tumne ?".......

"Haan .....Haan ....Dekho".......


"Ooperwale' ne .....

meri 'Pukaar' sun li"....


"Aakhir 'Paseej ' hi gaya wo."


"Daya aa hi gayi usse .....

Mujjh 'Gareeb' parr."


"Baal bhi Banka" nahin hone diya ...

usne meri 'Amanat' ka."


"Jass ki Tass"........

"Waise ki Waisi"......

"Doodh main Dhuli"

Meri 'id' lautta ke ....

uss 'Hacker' ne ...

mujhe 'Dil' ki harr 'Khushi' de di."



"Hey 'Ooperwale' tera .....

'Lakh-Lakh' shukarr hai ."


"Aaj 'Yakeen' ho challa hai ki ....

iss 'Dunia' main tu hai zaroor"


"Agar sirf 'ID' ki baat hoti toh ...

Koi baddi baat nahin thhi."

"Mainn itna 'Pareshaan' nahin ho uthta ."

"Bahut kucch 'Juda ' huya thha .....

uske 'Saath-Saath' jaise .....

Bahut si .....

'Pyaari-Pyari' ....

'Ladkiyyun' ke id , ....

unke 'Mail Address' ....

'love letters'....

Waigarah Waigarah..."

Aur wo sabhi ....

'Ulti-Pulti' mails ....

jinhain ...

maine sabki 'Nazroon' se

'Chuppa' ke rakha thha"

"Yahan takk ki 'Biwi' ko bhi .....

'Hawa' takkk nahin lagne di thhi."

Aur 'Sabse Baddi Baat' ki ....

mera 'Yahoo' Group

http://movies.groups.yahoo.com/group/fun_m...yguid=242693898

bhi toh .....

'Chinn' gaya thha "...

"Wo bhi toh uss ....

'Hacker' ke paas challa gaya thha"


"Control' hi nahin raha thha ....

mera uss parr ."

"Ussi ko toh maine Janam diya tha "

"Apni 'Aulaad' se ....

badh kar maana thha usse"

"Raat-Raat' bharr jaag jaag ke ....

mainn mailz likhta thha"

"Idhar-Udhar" se "Nakkal" maar ....

doosrron ki mailz ko apna bana ....

forward kiya karta thha"

"Haan abb yakeen ho challa hai ki ....

Aik din ....

haan ....'Aik Din'....

"Mera Naam Karega Roshan ....

Jag Main Mera Rajdulara"
Quote    Reply   
Remove this ad
Remove this ad
Add Reply

Quick Reply

bbcode help