Tags : :
wah shahar ki chillpon se door,
nishabd,bekhabar ek gaon basaa hai.
yun to hain khet-khaliyaan bhi,
basey hain kuchh kachhey-pakkey makaan bhi.
par gaon ki wo aawaj, wo madmast
chaupal kahaan hain?
hai kheton ka lehlahana,
hai kheton ki med par
ped ki chhaon k neechey
hari mirch aur pyaaj ke saath roti khana.
par daant se tod-todkar khatey wo namkin
namak ki dely kahaan hai?
hai mitti ke khel-khilone,
hai maa ki fati-puraani
dhoti ke chithdon se
gudiya banaakar usey sajana.
par shaam sab ikathhey ho jaatey,wo almast,masoom
bachpan kahaan hai?
hai aaj bhi akaal aur sookha,
hai aaj bhi Baarish ki pehli boond
kheton me padte hi adhnange hokar
khule aasmaan ko taak-kar
bhig-bhigkar geet gaana.
par saawan me wo jhoole,jhoolon pe sharmata,bhola
yowan kahaan hai?
hai bhookh se bilakhta badan,
hai beej ke kallon ko badtey
phasal ko lah-lahakar paktey dekhkar
sab peton ko bharpet
bhojan ka swapan dekhna.
par haad-maans ka wo putla,utsaahi,sabka khairkhwaah
kisaan kahaan hai?
hai bijali ki chamak-damak,
hai naye udyog-dhandhon ka
kataar lagaakar sansex ki
unchaai par aakar
maanav ko unnati ka swapan dikhana.
par desh ki wo reer,nav-srijan se door,desh ka aadhar
gaon kahaan hai?
nishabd,bekhabar ek gaon basaa hai.
yun to hain khet-khaliyaan bhi,
basey hain kuchh kachhey-pakkey makaan bhi.
par gaon ki wo aawaj, wo madmast
chaupal kahaan hain?
hai kheton ka lehlahana,
hai kheton ki med par
ped ki chhaon k neechey
hari mirch aur pyaaj ke saath roti khana.
par daant se tod-todkar khatey wo namkin
namak ki dely kahaan hai?
hai mitti ke khel-khilone,
hai maa ki fati-puraani
dhoti ke chithdon se
gudiya banaakar usey sajana.
par shaam sab ikathhey ho jaatey,wo almast,masoom
bachpan kahaan hai?
hai aaj bhi akaal aur sookha,
hai aaj bhi Baarish ki pehli boond
kheton me padte hi adhnange hokar
khule aasmaan ko taak-kar
bhig-bhigkar geet gaana.
par saawan me wo jhoole,jhoolon pe sharmata,bhola
yowan kahaan hai?
hai bhookh se bilakhta badan,
hai beej ke kallon ko badtey
phasal ko lah-lahakar paktey dekhkar
sab peton ko bharpet
bhojan ka swapan dekhna.
par haad-maans ka wo putla,utsaahi,sabka khairkhwaah
kisaan kahaan hai?
hai bijali ki chamak-damak,
hai naye udyog-dhandhon ka
kataar lagaakar sansex ki
unchaai par aakar
maanav ko unnati ka swapan dikhana.
par desh ki wo reer,nav-srijan se door,desh ka aadhar
gaon kahaan hai?