Remove this ad

*us kii hasarat hai jise dil se miTa bhii na saku*

Rss     Subscribe     Share     Tweet    


0 Points

Lead

Apr 27 07 9:32 AM

Tags : :

"Ameer Minai jee"



us kii hasarat hai jise dil se miTaa bhii na sakuu.N
Dhuu.NDhane us ko chalaa huu.N jise paa bhii na sakuu.N

Daal kar Khaak mere Khuun pe qaatil ne kahaa
kuchh yeh mehandii nahii.n merii ke miTaa bhii na sakuu.N

zabt kam_baKht ne aur aa ke galaa gho.NTaa hai
ke use haal sunaa_uu.N to sunaa bhii na sakuu.N

us ke pahaluu me.n jo lejaa ke sulaa duu.N dil ko
niind aisii use aaye ke jagaa bhii na sakuu.N

naqsh-e-paa dekh to luu.N laakh karuu.Ngaa sajade
sar meraa arsh nahii.n hai ki jhukaa bhii na sakuu.N

bevafaa likhate hai.n vo apanii kalam se mujh ko
ye vo qismat kaa likhaa hai jo miTaa bhii na sakuu.N

is tarah soye hai.n sar rakh ke mere zaano.n par
apanii so_ii hu_ii qismat ko jagaa bhii na sakuu.N
Quote    Reply   
Remove this ad
Remove this ad
Add Reply

Quick Reply

bbcode help