#1 [url]

Dec 22 06 4:46 AM

QUOTE (nitin_khetan @ December 22, 2006 02:58 am)
Mehfil humare juda hone pe sajayi thi rasmo ne...
haste labo ko rula diya dekh babul teri kasmo ne...


-----------------------------------------------------------------------------------------------
Title: Babul Aur Betiyan
By: Nitin Prakash Khetan

..............Doston Aaj wo likhne jaa raha hun jis rishte ki ehsaas hume abhi tak nahi hai... lekin ab talak jo dekh ke samajh paya hun use humare lafzon mein hum sajane ki koshish kar rahe hai.... Aage aap hi kahiye ki aapko kaisa laga...

Doston ise mein 4 stages mein likh raha hun... 1st.. betiyon ki bachpan ka hai... 2nd... unki jawani ka.... 3rd sagai ke baad aur ... 4th bidayi ka...
-----------------------------------------------------------------------------------------------

.............................................. justju/rose.gif Bachpan justju/rose.gif ..............................................

....................wo bachpan ki yaadein wo bahon ke mele................
....................tujh bin rahe yon ki mano jindagi se akele...............


Muskurate the lub mere teri bahon ke panahon mein...
yaad hai abbhi wo sukun jo milta tha teri bahon mein...

har lafz teri har baat teri hume jindagi jina sikhati thi ...
aur phir har raat kisson mein teri mein pari ban jati thi...

tere diye naamon mein aksar khud ko pana chahti thi...
mein tera beta hun kehke aksar ye maa ko sunati thi...

par tujhse dur hone ki hakikat ka ehsas rula deta tha ...
mein bas beti hu tere aangan ki ye yaad dila deta tha...

tujhe khuda manti thi aur har dua mein tujhe mangti thi...
wo ek hi dua is dil se thi sachhi ye aankhe bhi jaanti thi...

par hakikat ko chupate hue ye bachpan guarne laga tha...
jamane ki rasmo ke aage humara rishta badalne laga tha...

-------------------------------------------------------------------------------------

.............................................. justju/rose.gif Jawani justju/rose.gif ..............................................

....................Kuch Rishton ko nibhane aage bachpan se chale...............
...................shayad phir wo bachpan hume khwabo mein mile..............


wo bachpan ki teri bitto rani wo gudde aur gudiyon ki kahani...
aye khuda lautade ab wo jamane wo chutpan ki yadie suhani...

kuch banne ki chahat kuch karne ki hazaron khwahishe humari...
muskurate hue unhe hardam pura kar dene ki wo aadat tumhari...
doston ke sath ghumte hue tu aksar hume jub yaad aata tha....
wo aksar puchte rehte the magar juba khamosh ho jata tha...

jub bhi nikalte the kadam gahar se tera naam sath rehta tha..
sambhalna mein amanat hun teri har kadam hume kehta tha...
par is zamane ke nazar ko dekh kar aksar hume bura lagta tha...
par un logon ke nazar se jyada khyaal tere naam ka rehta tha...

yaad hai har raat hume sota dekh kar wo sone ki aadat teri...
aur tujhse dur hone ki palon ki nazdikiyon pe wo siskiya meri...
is jiwan ki hakikat hai ye tune hume bachpan mein sikhaya tha...
yehi sochkar to humne aksar bhige palko se muskuraya tha...

-------------------------------------------------------------------------------------

.............................................. justju/rose.gif Sagayee justju/rose.gif ..............................................

....................Kitne majboor aaj ye tumhare humare haalat hai.................
...................Hum to muskurade, magar gum bhare jazbaat hai................


tujhse dur hone ki khabar pe log jashn manate hai...
in duriyon ka jo dard hume hoga wo bhool jate hai...
aur aap bhi majburion se pare unhe gale lagate hai...
mehfil yuhi hasti rahe soch hum bhi muskurate hai...

jaanti hun mein SAGAYI naye rishte ki buniyaad hoti hai...
par yaad rakh babul wo humare rishte ke baad hoti hai...
tune sikhaya hai rishte banana ab paraya karne chale...
use bhi teri dua samajhke hum pehlu mein bharne lage...

phir wo log apne rishte nibhate hai hume ek naya naam dejate hai...
waqt unse mangkar aap hume har rishton ko nibhana sikhate hai...
ye kar, wo naa karna, unke har baat ko unka aashirwad samajhna....
khushi aur gam jivan ki rit hai, unhe aangan ki dehliz tak rakhna...

kash ke babul mein choti hi hoti...
bekhouf teri bahon mein soti...

-------------------------------------------------------------------------------------

.............................................. justju/rose.gif Bidayee justju/rose.gif ..............................................


............le jaa rahe hai log hume tere se daman churake.............
.............tu rokle hume aaj ek baar in rasmo ko bhulake.............


nibhane chali naye bandhan aur teri baatein yaad aati hai...
aur tu mujhe juda kar raha hai sochke aankhe dub jati hai...
phir bhi jo tune sikhaya use jindagi mein bhul nahi paungi...
par dur hokar bhi mein phool tere is aangan ki kehlaungi...

JUB JUB YAAD AAYEGI HUME TERI YE DIL DUB JAYEGA...
TERI BAHON MEIN BITA HUME BACHPAN YAAD AAYEGA...
KYA DARD HAI IS JUDAYI KA YE KAUN SAMAJH PAYEGA...
BAS JAMANA IS JUDAYEE PE EK NAYA JASHN MANAYEGA...


......................................................thanks doston itna waqt dene ke liye...............

Nitin ji.

aaj aapki is rachna humse humari saanse chin li, betiyon ke dil ke jazbaat aapne is khubi he bandhe ki aise laga yeh muj par hi beet rahi hai.

aapne sach kaha tha ki beti par jo beet.ti hai koi nahi jaan sakta , jab uske umrka har daur gujarta jata hai, aor jo vo sikk apne babul se leti hai, usse nibhane mein apni jaan tak par khel jati hai.

aapki is rachna ko daad dene keliye mere pass shabd hi nahi, bahut hi dilse likha hai aapne. jo seeda humare dil ko choo gaya hai. shukriya apna khayal rakhna.

nira