#1 [url]

Feb 21 08 3:10 AM

QUOTE (Harash Mahajan @ February 20, 2008 10:41 am)
{center}Paanv hamare apne haiN par safar begana lagta hai
VarshoN se rehte jis Ghar maiN ab begana lagta hai.

Basti Ek basi thi kal tak khanddar katha sunaate haiN,
Kal jis Gulshan maiN rounaq thi ab veerana lagta hai.

Bachhpan doonde kin galiyoN maiN sab kutchh kitna badal gaya,
Itne per bhi wahi sheher kitna pehchana lagta hai.

Nayi peediyaaN nayi seediyaN poochhe koun puraane ko,
BateiN ker lete bargad se wahi purana lagta hai.

Kitni chehel-pehel thi Ghar maiN ammaN-abbu rehte the,
GuddiyoN-GuddoN wala bachpan ab afsana lagta hai.

Hansne waale chehre yaaro aksar hameiN udaas lage,
Unke dil maiN dard-o-gum ka ajab khazana lagta hai.
{/center}

Harash ji
taras gaye the aapke kalam ka jadu padhne ke liye.
wowwwwwwwwwwww kitni khubsoorat ghazal likhi hai

Bachhpan doonde kin galiyoN maiN sab kutchh kitna badal gaya,
Itne per bhi wahi sheher kitna pehchana lagta hai.

Nayi peediyaaN nayi seediyaN poochhe koun puraane ko,
BateiN ker lete bargad se wahi purana lagta hai.

Kitni chehel-pehel thi Ghar maiN ammaN-abbu rehte the,
GuddiyoN-GuddoN wala bachpan ab afsana lagta hai.

yeh sher toh dil mein bas gaye hain. God bless u ji. daad hazir hai kabool farmayain
nira