#1 [url]

Aug 9 07 9:56 PM

QUOTE (gul @ August 09, 2007 12:36 am)
adaab
aik ghazal pesh hai
umeed hai aap ko pasand aaye gi

ab na dewaar na Dar lagta hai
kiysa veeran ye ghar lagta hai

ik mehel ho ke daricha dil ka
gar hai khali to khandhar lagta hai

tapte sehera ki musafat maiN kabhi
aik patta bhi shajhar lagta hai

meri aankhoN ne talab maiN rakhkha
wo sitara jo qamar lagta hai

aaoo chalte haiN ab oos paar kahiN
ees jazire maiN to dar lagta hai

gul dehelve

kathin shabdha
Dar>>>>darwaza
sehera>>retila maidaan
musafat>>> safar ki lambaee
shajhar>>paidh >.darakht>>tree
talab>>>maangna
qamar>>>chaand..chandarma

bahut khoobsoorat kalaam hai gul ji;go ki saara behr men hai lekin do ek jagah men behtari ki gunzaaish hai[mere khayaal men-aur yeh sirf opinion ka mu'aamlaa hai]

ho mehel ya ke daricha dil ka
gar hai khali to khandhar lagta hai


--
meri aor se is khoobsoorat kalaam pe daad haazir hai

mukhlis
chaman

dil ki sabh ranj-o-alam jabr-o-zarar bhool gayaa
us pe yeh bhool yeh sochaa ki tujhe bhool gayaa

sach hai dil jaanata to hai,tu mujhe bhool gayaa
thii nahii.n bhoolne ki baat magar bhool gayaa