#1 [url]

Aug 9 07 9:47 PM

QUOTE (ALAM BURQ @ August 08, 2007 04:40 pm)

"Chup Key Dekhta Hey Mujhey, Dekh Key Chup Jata Hey
Meri Halet Pe bhoot, Chand Bhi Shermata Hey

Kitna Manoos Andhieron Se Howa Jata Hoon
Meri Taazeem Main Sooraj Bhi Bujh Sa Jata Hey

Kiyon  Teri Aankh Ka , Beh Gaya Kajal
Kiyon Yadon Main Aa key Uoon  Satata Hey

Roz Kerta Hey Maseehai Ka waada Mujh sey
Roz Hi Zkhmon Ka Marham Woh Bhool Jata Hey

Burq Ab Lot Chalain, Gher Ko, Shaam Hoti Hay
Subh-E-Nao Aye gi Phir, Soorej Bhi Doob Jata Hay

hamesha ki tarah ek hasaas aur sehr-angez nazm;burq saahib
lekin is baar behr men ziaadaa ghaltian rahiin;kuchh tarmeem ki hai,behr men laane ke liye
---------------

"Chup Key Dekhe Hey Mujhey, Dekh Key Chup Jata Hey
Meri Halet Pe bahut, Chand Bhi Shermata Hey

Kitna Manoos Andheron Se Howa Jata Hoon
Meri Taazeem Main Sooraj Bhi Bujhaa Jata Hey[waise bujh saa bhii shaii hai,lekin behr men maamooli sa farq aa jaata hai]

Kyon Tiri Aankh Ka bezabt Beh Gaya Kajal
Kyon tu Yadon Main mirii Aa key Uoon Satata Hey


Roz Kerta Hey Maseehaa'i Ka waada Mujh sey
Roz Hi Zakhmon Ka Marham Woh Bhool Jata Hey

Burq Ab Lot Chalain, Gher Ko, Shaam Hoti Hay
Subh-E-Nao Aye jo, Soorej Bhi Doob Jata Hay

dil ki sabh ranj-o-alam jabr-o-zarar bhool gayaa
us pe yeh bhool yeh sochaa ki tujhe bhool gayaa

sach hai dil jaanata to hai,tu mujhe bhool gayaa
thii nahii.n bhoolne ki baat magar bhool gayaa