#1 [url]

Aug 9 07 11:37 AM

QUOTE (chamann @ August 09, 2007 12:19 am)
bahut khoob koshish hai 'amaan' ji
behr ke lihaaz se is men kuch tarameem suggest kar rahaa hoon;hatyaar and dukhyaar ,go men ne kheench taan kar use kar liyaa hai;behtar hoga ki in ki jagah koii rawaan lafz aaye.

---------------
behr:2122-1212-22
yeh dhuaaN saa kahaaN se uththa hai
dil jalaane ki baat karte ho[noor jahaan]
mennu tera shabaa lai baitha[shiv-panjabi]
aaye kuch abr kuch sharaab aaye[faiz]
etc.

----------

chhoriye bhi yeh pyaar ki baatain[2122-1212-22]
rasm kii ,dost yaar ki baatain

nahi rehta kisi ka koi sada
karte ho ikhtiyaar ki baatain

umr beete na mileygi manzil
soch kitni dayaar ki batain

khaali , ruswaayi se bhari dunyaa
kahaaN ismeiN mayaar ki batain

hote hain mast nazroN se ghaayal
karo ab na hatayaar ki batain

wafa kaa kab talak bharayga bharam[viase bharam paalanaa aana chaahiye]
sunta kaun dukhiyaar ki batain

hoga ta'ajub 'amaan' ko tujh pe
jo karo wasl-e-yaar ki baaten

Salam mohatarram Chamann ji,

pehlay tu maiN aapka behud shukarguzaar hooN k aap ne itni mohabbat aur apnay qeemti waqt se navaaza mujhe aur durastagi kari beher k hawalay se, bohat bohat shukariya aapka

ji hatiyaar lafz mujhe bhi ravaaN nahi laga tha per khiyaal k pesh e nazr koi aur munasib lafz soojha nahi, aur rahi baat beher ki tu ji main beher ki bareekiyooN aur uski samjh se nasamjh hooN, itna janta nahi uskay baray meiN is liye usmeiN likh bhi nahi paata, koshish rahi thi usay seekhnay ki jismeiN Mohatarram Gul Dehlvi sahab ne kafi madad kari thi meri, per uskay baad mujhe kuch waqt k liye bilkul hi qataA karna para shayri se, waqt ki kami k bayez. phir dobara se usay seekhnay k silsalay ko shuru nahi kar paaya maiN

aap ne jo tarameem ki haiN aur jis dhang se meri tehreer ko laikar aaye beher meiN usay parh ker behud maza aaya aur jo dilkashi beher meiN aanay k baad hoti hay woh nazar aayi

bohat shukariya aapka

Allah hafiz
Amaan

Sometimes I cut myself to see how much I bleed and how much it hurts!!!!